AP Eamcet Results 2023: ఏపీ ఎంసెట్ ఫలితాలు వచ్చేశాయ్.. ఒక్క క్లిక్‌తో ఇలా చెక్ చేసుకోండి..ఆంధ్రప్రదేశ్ ఎంసెట్ ఫలితాలు కొద్దిసేపటి క్రితం విడుదలయ్యాయి. ఏపీ ఎంసెట్ పరీక్ష 2023 ఫలితాలను విద్యాశాఖ మంత్రి బొత్స సత్యనారాయణ ఇవాళ విజయవాడలో..ఆంధ్రప్రదేశ్ ఎంసెట్ ఫలితాలు కొద్దిసేపటి క్రితం విడుదలయ్యాయి. ఏపీ ఎంసెట్ పరీక్ష 2023 ఫలితాలను విద్యాశాఖ మంత్రి బొత్స సత్యనారాయణ ఇవాళ విజయవాడలో ఉదయం 11 గంటలకు విడుదల చేశారు. ఏపీ EAPCETకి మొత్తం 3 లక్షల 38 వేల 739 మంది విద్యార్ధులు రిజిస్టర్ చేసుకున్నారు. వీరిలో ఇంజినీరింగ్ స్ట్రీమ్ పరీక్షకు నమోదు చేసుకున్న సంఖ్య 2 లక్షల 38వేల 180 కాగా.. అగ్రికల్చర్ స్ట్రీమ్‌లో రిజిస్టర్ చేసుకున్నవారు లక్షా 559 మంది విద్యార్ధులు. మొత్తం 2లక్షల 24వేల 724మంది ఇంజనీరింగ్‌లో పరీక్షకు హాజరు కాగా లక్ష 71 వేల 514 మంది క్వాలిఫై అయ్యారు. అగ్రికల్చర్ విభాగంలో 90 వేల 573 పరీక్ష కు హాజరు కాగా 81,203 మంది క్వాలిఫై అయ్యారు. ఇంజనీరింగ్ స్ట్రీమ్ లో 76.32 శాతం మంది ఉత్తీర్ణత సాధించగా, అగ్రికల్చర్ స్ట్రీమ్ లో 89.65 శాతం మంది ఉత్తీర్ణత సాధించినట్టు మంత్రి వెల్లడించారు. పరీక్షకు హాజరైన అభ్యర్థులు ఎంసెట్ అధికారిక వెబ్‌సైట్‌‌‌తో పాటు టీవీ9 వెబ్‌సైట్ నుంచి కూడా ఫలితాలు డౌన్‌లోడ్ చేసుకోవచ్చు.మే 15-19 వరకు ఎంసెట్ ఇంజినీరింగ్ స్ట్రీమ్ పరీక్ష, మే 22, 23లో ఎంసెట్ అగ్రికల్చర్ అండ్‌ మెడికల్‌ స్ట్రీమ్ పరీక్షను నిర్వహించిన విషయం తెలిసిందే. మొత్తంగా ఈ ఏడాది ఇంజినీరింగ్ ప్రవేశ పరీక్షకు 2.24 లక్షల మంది విద్యార్ధులు హాజరయ్యారు. అగ్రికల్చర్ విభాగంలో 90,573 మంది పరీక్షకు హాజరయ్యారు.
AP Eamcet Results 2023 Released, Check Here For Your EAPCET result, score, rank online
