Sprouted Coconut: కొబ్బరికాయలో వచ్చిన పువ్వును తింటున్నారా..? నిపుణులు ఏం చెబుతున్నారంటే..కొబ్బరికాయను పగులగొట్టినపుడు ఒక్కోసారి అందులో పువ్వు ఆకృతిలో తెల్లని, మెత్తటి పదార్థం కనిపిస్తుంది. ఇది చాలా అరుదుగా జరుగుతుంది. చాలా మంది ఇలా రావడం శుభప్రదంగా భావిస్తారు. అయితే ఇలా వచ్చిన కొబ్బరిపువ్వు వస్తే దానిని వదలకుండా తినాలని నిపుణులు చెబుతున్నారు. దానిని తినడం వలన అనేక ఆరోగ్య ప్రయోజనాలు ఉంటాయని అంటున్నారు.కొబ్బరిపువ్వును దానికి వచ్చిన మొలకగా చెబుతారు. ఇది మొలకెత్తిన కొబ్బరికాయగా అభివృద్ధి చెందుతుంది. పెంకు లోపల ఉన్న విత్తనం మొలకెత్తిన తర్వాత, అది కొబ్బరి నీటిని గ్రహించి, ఘనమైన స్పాంజ్ లా పెరుగుతుంది. దీనిని కొబ్బరిపువ్వు, కొబ్బరి పిండం, కొబ్బరి యాపిల్ అంటూ వివిధ పేర్లతో పిలుస్తారు. ఒకవేళ మీ కొబ్బరికాయలో కొబ్బరిపువ్వు వస్తే దీనిని హాయిగా తినేయొచ్చు.కొబ్బరిపువ్వు అనేక ఔషధ గుణాలను కలిగి ఉంటుంది. ఇది యాంటీమైక్రోబయల్, యాంటీవైరల్, యాంటీపెరాసిటిక్, యాంటీ బాక్టీరియల్ లక్షణాల కలిగి ఉంది. ఇది మీ శరీరంలో అనేక రకాల ప్రమాదకరమైన ఇన్‌ఫెక్షన్‌లు, వ్యాధులకు వ్యతిరేకంగా రోగ నిరోధకతను పెంపొందించడంలో సహాయపడుతుంది. మీరు రోగాలబారిన పడకుండా ఉంచుతుంది.కొబ్బరి యాపిల్ అనేక పోషకాల నిధి. ఇందులో విటమిన్లు, ఖనిజాలు, అమైనో ఆమ్లాలు, యాంటీఆక్సిడెంట్లతో సహా శరీరానికి అవసరమైన పోషకాలతో సమృద్ధిగా ఉంటుంది. మొలకెత్తిన కొబ్బరికాయలను తినడం వల్ల శరీరానికి పోషణ అంది నిండైన ఆరోగ్యం లభిస్తుంది.కొబ్బరిపువ్వులో ఫైబర్ కంటెంట్ అధిక మొత్తంలో ఉంటుంది. దీనిని తిన్నప్పుడు మీకు కడుపునిండిన అనుభూతి కలుగుతుంది. ఆకలిని అదుపులో ఉంచుతుంది. కేలరీలు తక్కువగా ఉండటం వలన బరువు పెరగకుండా ఉండటానికి సహాయపడుతుంది.మధుమేహం ఉన్నవారు కూడా కొబ్బరిపువ్వును తినవచ్చు. ఎందుకంటే ఇది రక్తంలో చక్కెర స్థాయిలను సమతుల్యం చేస్తుంది. మీ శరీరంలో ఇన్సులిన్ ఉత్పత్తి మెరుగుపడుతుంది. తద్వారా చక్కెర వ్యాధి ప్రమాదకరమైన దుష్ప్రభావాలను తగ్గిస్తుంది.కొబ్బరిపువ్వు తినడం వలన జీర్ణక్రియను మెరుగుపరుస్తుంది. పేగు ఆరోగ్యం బాగుంటుంది. మలబద్ధకం నివారించడంతో పాటు ఎసిడిటీ, పొట్టలో పుండ్లు వంటి జీర్ణవ్యాధుల నుంచి ఉపశమనం కలిగిస్తుంది. ముఖ్యమైన పోషకాలు, విటమిన్లు అందించడం ద్వారా జీర్ణక్రియ, జీవక్రియకు సహాయపడుతుంది.కొబ్బరిపువ్వులోని పోషకాలు శరీరంలోని హానికరమైన ఫ్రీ రాడికల్స్‌ను తొలగించడంలో ప్రభావవంతంగా ఉంటాయి, కాబట్టి కొబ్బరి యాపిల్స్ తినడం వల్ల క్యాన్సర్ వచ్చే ప్రమాదం తగ్గుతుందని నమ్ముతారు.కొబ్బరిపువ్వును తినడం వల్ల మీరు అందమైన జుట్టు, ఆరోగ్యమైన చర్మాన్ని పొందవచ్చు. ఇది చర్మంపై చారలు, ముడతలు, మచ్చలు మొదలైన వృద్ధాప్య సంకేతాలను దూరం చేస్తుంది. శరీరంలో అధిక వేడిని సమతుల్యం చేసి మిమ్మల్ని రిఫ్రెష్ చేస్తుంది.
Know Amazing Health Benefits Of Eating Coconut Embryo Telugu News
